1345 November 12. Brieg

Herzog Boleslaw gelobt, die Freiheiten der Stadt zu respektiren.

In nomine domini amen. Nos Bolezlaus dei gratia dux Slezie et dominus Bregensis universis et singulis presentem litteram inspecturis volumus publice fore notum, quod promittimus bona fide et sine omni dolo nostris consulibus Bregensibus pro nunc et pro tempore existentibus ipsos in perpetuum circa iura ipsorum universa gratiose, eflectualiter et inviolabiliter conservare ea ipsis nullatenus aliqualiter absque iuris ordine infringendo, nominatim nos iuribus ipsorum ad civitatem et officium consulatus contigentibus, ita si aliquis, cuiuscunque status exstiterit, contra iura civitatis et officii consulatus excesserit in quibuscunque causis, quecunque et quibuscunque nominibus censeantur, nullis penitus exclusis, nequaquam intromittendo, verbo vel facto, publice seu occulte, nec etiam civitatem amplius claudendo contra ipsorum voluntatem, nec officium consulatus destruendo, nec advocatos eorum destituendo, nec ipsis iura facere probibendo, nec illicitis angariis contra iustitiam angariando quovismodo, et premissa singula et ultra inviolabiliter et fideliter servaturi. In cujus rei testimonium presentem litteram fieri iussimus et nostri sigilli munimine perhennari. Datum Brege in crastino beati Martini episcopi, anno domini millesimo trecentesimo quadragesimo quinto, presentibus nostris fidelibus Petro Paduschka, Mersano de Pogrella, Schenkone de Schonov, Henrico iudice curie Bregensis, Hankone Engilgeri, Niczkone Zrebkowicz et Johanne nostre curie notario, qui presencia habuit in commisso.

An grünen Seidenfäden hängt das Reitersiegel des Herzogs wie bei No. XXIII.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.